23/09/2018
На 23 септември 2018 година, „Мобилност Битола“ го организираше традиционалниот излет, чија локација годинава беше манастирот Св. Наум во с. Болно, во близина на Ресен. Амбиентот познат и пријатен, домаќините исто така. Организацијата добра – од Битола и Демир Хисар со автобус на „Боби турс“, а од Ресен со автомобили. Околу 60 членови на нашето здружение поминаа прекрасен ден исполнет со дружење, песни и игри во придружба на КУД „Феникс“, а сето тоа беше дополнето и со натпревар во пикадо во машка и женска конкуренција. Првото место во машката конкуренција го освои Живко, второто Горан, а третото им припадна на Митко и Соте, додека во женската конкуренција првопласирана беше Слободанка, второпласирана Василка и третопласирана Гордана. Наградите беа симболични во износ од 500 за прво, 300 за второ и 200 денари за трето место. Домаќините се погрижија и за прекрасниот и вкусен ручек, кој уште повеќе придонесе овој излет да биде незаборавен, па во попладневните часови сите задоволни се вративме дома. Се надеваме дека ваквите дружења ќе продолжат во иста насока и во наредните години.
