10/07/2014
На 10.07.2014 година, на покана од директорот на ТВ Визија од Прилеп, госпоѓата Бранкица, во попладневната емисија учествуваа претставници од „Мобилност Битола“, и тоа претседателот прим. д-р Нико Јанков и членот на УО, Фанче Ѓеоргиевска. Како повод за ова гостување беше успешно изведеното „Дефиле на Широк сокак“ кое „Мобилност Битола“ успешно го реализираше на 28.06.2014 година и кое беше во целост проследено од екипа на ТВ Визија. После првичните контакти кои се реализираа благодарение на новинарот од ТВ Орбис од Битола, Дивна Грданова – Караџовска, директорката Бранкица нè прими и прошета низ сите простории на оваа телевизиска куќа.
Во студиото со водителката Снежана имавме конструктивни разговори за сите наши активности. Стана збор за организациона структура, активности и соработка со институции, медиуми, особено локална самоуправа и реализација на проекти. Покрај традиционалното Дефиле, беше презентирана и богата палета на активности, други работилници, предавања, излети и настани со повод (Нова година, 8 Март, заеднички настапи со други здруженија, партнерски односи и тн). На располагање имавме богата палета на рекламни материјали од летоци, плакати, списанија и тн. Сметаме дека на овој начин детално ги запознавме нашите соговорници и гледачите кои сме, што правиме, кои ни се плановите и какви активности успешно реализираме во остварувањето на програмските и статутарни цели. Задоволни се разделивме од нашите пријатели со надеж за идна соработка и дружење.
