21/01/2020
На 21 јануари 2020 креативната работилница на „Мобилност Битола“ одржа заедничка активност со креативната работилница на „Мобилност Скопје“. Во извонредна, конструктивна соработка беа создадени креации со меѓусебно договарање и почитување. Клупските простории беа целосно исполнети и првобитните интересенти привлекоа и други кои ќе бидат редовни на овие средби. Со ова се докажува дека дружењето и размената на искуства и размислувања за креации ќе додат конструктивен придонес и напредок во општото живеење на нашите членови. „Мобилност Битола“ силно ќе ги поддржува сите вакви активности кои даваат позитивен импулс. Само вака и ќе продолжиме кон нови остварувања на нашите програмски и статутарни цели.
