16/12/2023
На 16 декември 2023 година, во ресторанот на „Канал 77“ во Штип, „Мобилност Штип“ ја организираше својата новогодишна прослава, на која беа поканети и членови од другите здружени членки на „Мобилност Македонија“. Битолската делегација на овој настан беше составена од Митко Фидановски, Сотир Јоновски, Кире Ангелковски и Билјана Поповска. Неколкучасовната прослава помина во многу пријатна атмосфера, дополнета со музика, лотарија и опуштено дружење. На манифестацијата беа присутни и претседателот и генералниот секретар на „Мобилност Македонија“. Уште еднаш им честитаме на „Мобилност Штип“ и раководните органи за успешното продолжување на традицијата и соработката.
