15/06/2023
Екипата на Мобилност Битола постигна голем успех на јубилејното 35. издание на Спортските игри на Мобилност Македонија, кое се одржа од 15 до 18 јуни 2023 во Охрид и Струга. Од нашето здружение учествуваа 7 спортисти, и тоа: Лидија Велјановска, Дарко Спировски, Оливера Наковска-Бикова, Златко Биков, Мендо Дивјаковски, Горан Димчевски и Николче Станојовски. Сите обезбедија пласман за следната година, истовремено освојувајќи еден златен и два бронзени медали. По дисциплини, најголемо учество имаше во атлетика, каде учествуваа пет учесници, освојувајќи трето, четврто, шесто, седмо и 18. место. Во стрелаштво учествуваа 4 натпреварувачи во дисциплините воздушна пушка (3) и воздушен пиштол (2), додека во пинг-понг се натпреваруваше само Оливера и освои 4. место. Им честитаме на нашите членови за извонредното залагање и постигнатиот успех и им посакуваме уште поголеми успеси понатаму, а се надеваме дека ќе инспирираат да се зголеми и бројот на учесници. Честитки!
