15/12/2024
На 15 декември 2024 година, во ресторанот „Корзо“ во Битола, „Мобилност Битола“ традиционално организираше предновогодишна забава, на која присуствуваа шеесетина членови и гости. Тука особено би го издвоиле присуството на екипата на „Мобилност Штип“. Забавата ја прогласи за отворена претседателот прим. д-р Нико Јанков, кој во кусото обраќање нагласи дека настанот е во целосна организација на „Мобилност Битола“ (без партиципација на гостите), благодарение на средствата од завршениот проект „Алтер трип“, од кои во последните три години практично сите наши чествувања се потполно покриени и членството досега немаше финансиски импликации во ваквите настани. Потоа, во опуштена атмосфера со музика од реномираниот ансамбл „Носталгија“, присутните уживаа во дружењето и одличното мени на нашите домаќини од ресторанот „Корзо“, послужено од брзите и исполнителни млади келнери. Во таква атмосфера, неколкучасовната забава помина како во еден здив. Испраќајќи ги гостите и членовите, раководната структура на здружението си зеде обврска за организација и на следниот традиционален настан – прослава на Стара нова година / Василица, која се слави во приватен аранжман. Активностите продолжуваат.
