14/12/2024
На 14 декември 2024 година, екипа од „Мобилност Битола“ присуствуваше на предновогодишната забава на „Мобилност Штип“. Со одлична организација, богата лотарија и исполнета содржина, „Мобилност Штип“ го здржува трендот како едно од најактивните здруженија кое го анимира членството од поширокиот регион. Нашата соработка со „Мобилност Штип“ опстојува повеќе од три децении, практично од самото основање. Покрај новогодишните прослави, соработката опфаќа и заеднички настани и организирање на работилници со разна тематика. Во изминатите три децении имавме широки можности за заедничко делување и пријателства кои трајно се втемелени во нашите односи. Новогодишната забава, како и секогаш, изобилува со личен ангажман на раководната гарнитура на „Мобилност Штип“, на чело со претседателката Елица Трпковска. Сите пофалби и така да се продолжи.
