11/09/2024
На 11 септември 2024 година, со почеток во 17 часот, во просториите на „Мобилност Битола“ се одржаа квалификациите за годинашниот квиз натпревар на „Мобилност Македонија“. Беа пријавени шест кандидати, и тоа: Кире Ангелковски, Стеван Цветановски, Димче Христов, Владе Тасевски, Сотир Јоновски и Билјана Тодоровска, а квалификациите ги водеа претседателот и секретарот на здружението, кои овој пат не учествуваа во натпреварот. Во рамноправна борба, тројцата членови со најдобри резултати кои ќе ја претставуваат „Мобилност Битола“ на квизот се Владе, Кире и Билјана. Им посакуваме многу успех на главниот натпревар во Струга, кој ќе се одржи на 28 и 29 септември 2024. Среќно!
