25/01/2014
Работна група на Мобилност Македонија на 25 и 26.01.2014 во Бања Банско, после подготовките го разгледа нацрт извештајот што го поднесе Министерството за труд и социјална политика при Владата на Република Македонија, а во врска со обврската после изминатите две години откако се ратификува Конвенцијата и стана составен дел од нашиот правосуден систем. Сите инвалидски организации, сојузите и Националното координативно тело имаат задача да го разгледаат и дадат сугестии и размислувања. Поради тоа, после подготовки по дадени задачи, работната група во состав Претседателот на сојузот Бранимир Јовановски и прим. д-р Нико Јанков како членови на НКТ, Митко Фидановски, Персида Пренџова и Елица Трпкова како правници и експерти за правата на лицата со инвалидност и генералниот секретар на сојузот Софче Прчева разгледаа член по член од Конвенцијата во извештајот на МТСП и додадоа свои сугестии и размислувања за текот и идните збиднувања во врска со инплементацијата на Конвенцијата.
Разгледувајќи ја глобалната рамка во наративниот дел, работната група доби впечаток дека перцепцијата оди во позитивна насока. Нашите забелешки и сугестии се комплементарни и појаснуваат состојби и процеси кои на разни начини ги засегаат лицата со инвалидност (во случајот лицата со телесен инвалидитет) и измени и дополненија на законската регулатива која ќе ја олесни самата инплементација (вклучувајќи ги и придружните подзаконски акти кои мораат да бидат оперативни во разумен рок). Сите овие размислувања работната група прецизно и детално ги разработи консезуално ги резимира и финализира во финален предлог кој беше испратен во МТСП. Со вакви експедитивни акции Мобилност Македонија, управниот одбор и Претседателот Бранимир Јовановски добиваат позитивни поени во комуникацијата со Институциите на системот, а се во остварување на нашите цели (програмски и статутарни). Ваквите добри практики треба да продолжат за подготвено пречекување на сите идни предизвици и нивното навремено решавање.
